2 John · Clementine Vulgate
The elder urges the chosen lady to walk in love and refuse welcome to deceivers who deny Christ.
A writer who calls himself simply 'the elder' sends this brief note to 'the elect lady and her children'. Most readers take the 'lady' to be a church and her 'children' its members, though some think she was a real woman. The message has two parts. Keep loving one another, which is 'not as though I wrote a new commandment', but the one they had from the beginning. And do not welcome into your house traveling teachers 'who confess not that Jesus Christ is come in the flesh'. The elder closes by saying he has much more to say but would rather not use 'paper and ink'; he hopes to visit and speak 'face to face'. The elder is St. John the apostle.
1Senior Electæ dominæ, et natis ejus, quos ego diligo in veritate, et non ego solus, sed et omnes qui cognoverunt veritatem, 2propter veritatem, quæ permanet in nobis, et nobiscum erit in æternum. 3Sit vobiscum gratia, misericordia, pax a Deo Patre, et a Christo Jesu Filio Patris in veritate, et caritate. 4Gavisus sum valde, quoniam inveni de filiis tuis ambulantes in veritate, sicut mandatum accepimus a Patre. 5Et nunc rogo te domina, non tamquam mandatum novum scribens tibi, sed quod habuimus ab initio, ut diligamus alterutrum. 6Et hæc est caritas, ut ambulemus secundum mandata ejus. Hoc est enim mandatum, ut quemadmodum audistis ab initio, in eo ambuletis. 7Quoniam multi seductores exierunt in mundum, qui non confitentur Jesum Christum venisse in carnem: hic est seductor, et antichristus. 8Videte vosmetipsos, ne perdatis quæ operati estis: sed ut mercedem plenam accipiatis. 9Omnis qui recedit, et non permanet in doctrina Christi, Deum non habet: qui permanet in doctrina, hic et Patrem et Filium habet. 10Si quis venit ad vos, et hanc doctrinam non affert, nolite recipere eum in domum, nec Ave ei dixeritis. 11Qui enim dicit illi Ave, communicat operibus ejus malignis. 12Plura habens vobis scribere, nolui per cartam et atramentum: spero enim me futurum apud vos, et os ad os loqui: ut gaudium vestrum plenum sit. 13Salutant te filii sororis tuæ Electæ.