2 Timothy · Clementine Vulgate

2 Timothy 1: Not Ashamed of the Gospel

Paul urges Timothy to rekindle his gift, not be ashamed of the gospel, and guard sound teaching.

The Second Epistle of Paul to Timothy

2 Timothy holds Paul's last words. He is in chains in Rome, deserted by almost everyone ('Only Luke is with me'), and expects to die soon: 'I have fought a good fight, I have finished my course, I have kept the faith.' He writes to Timothy, his 'dearly beloved son' in the faith, recalling the faith of Timothy's grandmother Lois and mother Eunice, and urging him to endure hardship 'as a good soldier of Jesus Christ' and to hold to sound teaching, for 'All scripture is given by inspiration of God'. There are warnings of hard times to come and very human requests: come before winter, and bring the cloak I left at Troas, and the books, 'but especially the parchments'.

1Paulus Apostolus Jesu Christi per voluntatem Dei, secundum promissionem vitæ, quæ est in Christo Jesu, 2Timotheo carissimo filio: gratia, misericordia, pax a Deo Patre, et Christo Jesu Domino nostro. 3Gratias ago Deo, cui servio a progenitoribus in conscientia pura, quod sine intermissione habeam tui memoriam in orationibus meis, nocte ac die 4desiderans te videre, memor lacrimarum tuarum, ut gaudio implear, 5recordationem accipiens ejus fidei, quæ est in te non ficta, quæ et habitavit primum in avia tua Loide, et matre tua Eunice, certus sum autem quod et in te. 6Propter quam causam admoneo te ut resuscites gratiam Dei, quæ est in te per impositionem manuum mearum. 7Non enim dedit nobis Deus spiritum timoris: sed virtutis, et dilectionis, et sobrietatis. 8Noli itaque erubescere testimonium Domini nostri, neque me vinctum ejus: sed collabora Evangelio secundum virtutem Dei: 9qui nos liberavit, et vocavit vocatione sua sancta, non secundum opera nostra, sed secundum propositum suum, et gratiam, quæ data est nobis in Christo Jesu ante tempora sæcularia. 10Manifestata est autem nunc per illuminationem Salvatoris nostri Jesu Christi, qui destruxit quidem mortem, illuminavit autem vitam, et incorruptionem per Evangelium: 11in quo positus sum ego prædicator, et Apostolus, et magister gentium. 12Ob quam causam etiam hæc patior, sed non confundor. Scio enim cui credidi, et certus sum quia potens est depositum meum servare in illum diem. 13Formam habe sanorum verborum, quæ a me audisti in fide, et in dilectione in Christo Jesu. 14Bonum depositum custodi per Spiritum Sanctum, qui habitat in nobis. 15Scis hoc, quod aversi sunt a me omnes, qui in Asia sunt, ex quibus est Phigellus, et Hermogenes. 16Det misericordiam Dominus Onesiphori domui: quia sæpe me refrigeravit, et catenam meam non erubuit: 17sed cum Romam venisset, sollicite me quæsivit, et invenit. 18Det illi Dominus invenire misericordiam a Domino in illa die. Et quanta Ephesi ministravit mihi, tu melius nosti.