Baruch · Clementine Vulgate

Baruch 1: Baruch’s Book Read in Babylon

Baruch reads his book to the exiles in Babylon, who send money and a confession to Jerusalem.

Baruch, with the Letter of Jeremiah

Baruch opens in Babylon, five years after the Babylonians burned Jerusalem, with 'the words of the book' written there by Baruch son of Neriah, the prophet Jeremiah's secretary (Jeremiah 36). It is read aloud to the exiles, who weep and fast. It has three parts: a long prayer confessing that the exile is punishment for sin; a poem praising Wisdom, which God has given Israel as 'the book of the commandments of God'; and a poem in which Jerusalem, pictured as a mother, mourns her children and is comforted as they come home. Chapter 6 is a separate work, the Letter of Jeremiah: a scornful satire on Babylonian idols of wood plated with gold, which cannot save themselves from rust, thieves or bats, 'as a scarecrow in a garden of cucumbers'. Catholic Bibles print both as Baruch 1–6, among the deuterocanonical books; some Bibles place them among the Apocrypha or leave them out.

1Et hæc verba libri quæ scripsit Baruch filius Neriæ, filii Maasiæ, filii Sedeciæ, filii Sedei, filii Helciæ, in Babylonia, 2in anno quinto, in septimo die mensis, in tempore quo ceperunt Chaldæi Jerusalem, et succenderunt eam igni. 3Et legit Baruch verba libri hujus ad aures Jechoniæ filii Joakim regis Juda, et ad aures universi populi venientis ad librum, 4et ad aures potentium, filiorum regum, et ad aures presbyterorum, et ad aures populi, a minimo usque ad maximum eorum, omnium habitantium in Babylonia, ad flumen Sodi. 5Qui audientes plorabant, et jejunabant, et orabant in conspectu Domini. 6Et collegerunt pecuniam, secundum quod potuit uniuscujusque manus, 7et miserunt in Jerusalem ad Joakim filium Helciæ filii Salom sacerdotem, et ad sacerdotes, et ad omnem populum qui inventi sunt cum eo in Jerusalem: 8cum acciperet vasa templi Domini, quæ ablata fuerant de templo, revocare in terram Juda, decima die mensis Sivan, vasa argentea quæ fecit Sedecias filius Josiæ rex Juda, 9posteaquam cepisset Nabuchodonosor rex Babylonis Jechoniam, et principes, et cunctos potentes, et populum terræ, ab Jerusalem, et duxit eos vinctos in Babylonem. 10Et dixerunt: Ecce misimus ad vos pecunias, de quibus emite holocautomata et thus: et facite manna, et offerte pro peccato, ad aram Domini Dei nostri: 11et orate pro vita Nabuchodonosor regis Babylonis, et pro vita Baltassar filii ejus, ut sint dies eorum sicut dies cæli super terram: 12et ut det Dominus virtutem nobis, et illuminet oculos nostros, ut vivamus sub umbra Nabuchodonosor regis Babylonis, et sub umbra Baltassar filii ejus, et serviamus eis multis diebus, et inveniamus gratiam in conspectu eorum. 13Et pro nobis ipsis orate ad Dominum Deum nostrum, quia peccavimus Domino Deo nostro, et non est aversus furor ejus a nobis usque in hunc diem. 14Et legite librum istum quem misimus ad vos recitari in templo Domini, in die solemni et in die opportuno: 15et dicetis: Domino Deo nostro justitia, nobis autem confusio faciei nostræ, sicut est dies hæc omni Juda, et habitantibus in Jerusalem: 16regibus nostris, et principibus nostris, et sacerdotibus nostris, et prophetis nostris, et patribus nostris. 17Peccavimus ante Dominum Deum nostrum, et non credidimus, diffidentes in eum: 18et non fuimus subjectibiles illi, et non audivimus vocem Domini Dei nostri, ut ambularemus in mandatis ejus, quæ dedit nobis. 19A die qua eduxit patres nostros de terra Ægypti, usque ad diem hanc, eramus incredibiles ad Dominum Deum nostrum: et dissipati recessimus, ne audiremus vocem ipsius: 20et adhæserunt nobis multa mala et maledictiones quæ constituit Dominus Moysi servo suo, qui eduxit patres nostros de terra Ægypti, dare nobis terram fluentem lac et mel, sicut hodierna die. 21Et non audivimus vocem Domini Dei nostri, secundum omnia verba prophetarum quos misit ad nos: 22et abivimus unusquisque in sensum cordis nostri maligni, operari diis alienis, facientes mala ante oculos Domini Dei nostri.