Deuteronomy · Clementine Vulgate

Deuteronomy 34: The Death of Moses

Moses views the promised land from Mount Nebo and dies; Israel mourns, and Joshua leads them.

1Ascendit ergo Moyses de campestribus Moab super montem Nebo, in verticem Phasga contra Jericho: ostenditque ei Dominus omnem terram Galaad usque Dan, 2et universum Nephthali, terramque Ephraim et Manasse, et omnem terram Juda usque ad mare novissimum, 3et australem partem, et latitudinem campi Jericho civitatis palmarum usque Segor. 4Dixitque Dominus ad eum: Hæc est terra, pro qua juravi Abraham, Isaac, et Jacob, dicens: Semini tuo dabo eam. Vidisti eam oculis tuis, et non transibis ad illam.

Portrait historié of Moses and Aaron beholding the promised land, 1633, Thomas de Keyser, 1633
Portrait historié of Moses and Aaron beholding the promised land, 1633, Thomas de Keyser, 1633

5Mortuusque est ibi Moyses servus Domini, in terra Moab, jubente Domino:

Last Acts and Death of Moses, Luca Signorelli, 1481-82
Last Acts and Death of Moses, Luca Signorelli, 1481-82

6et sepelivit eum in valle terræ Moab contra Phogor: et non cognovit homo sepulchrum ejus usque in præsentem diem. 7Moyses centum et viginti annorum erat quando mortuus est: non caligavit oculus ejus, nec dentes illius moti sunt. 8Fleveruntque eum filii Israël in campestribus Moab triginta diebus: et completi sunt dies planctus lugentium Moysen.

The Death of Moses, Alexandre Cabanel, 1850
The Death of Moses, Alexandre Cabanel, 1850

9Josue vero filius Nun repletus est spiritu sapientiæ, quia Moyses posuit super eum manus suas. Et obedierunt ei filii Israël, feceruntque sicut præcepit Dominus Moysi. 10Et non surrexit ultra propheta in Israël sicut Moyses, quem nosset Dominus facie ad faciem, 11in omnibus signis atque portentis, quæ misit per eum, ut faceret in terra Ægypti Pharaoni, et omnibus servis ejus, universæque terræ illius, 12et cunctam manum robustam, magnaque mirabilia, quæ fecit Moyses coram universo Israël.