Habakkuk · Clementine Vulgate
Habakkuk asks why God tolerates injustice; God answers that he is raising up the Babylonians, and Habakkuk protests.
Instead of speaking to the people for God, Habakkuk argues with God, which makes him unusual among the prophets. Why, he asks, does God let violence and injustice go unpunished in Judah? God answers that he is raising up the Babylonians (the 'Chaldeans') to punish them. That only sharpens the question: how can a holy God use people more wicked than his own people? Habakkuk climbs his watchtower to wait, and is told to write the vision plainly, for 'the just shall live by his faith' (2:4), a line Paul quotes and that became a watchword of Martin Luther and the Reformation. The book ends with a psalm of storm and trust: though the fig tree does not blossom, 'Yet I will rejoice in the Lord.' In Bel and the Dragon an angel carries him to feed Daniel.
1Onus quod vidit Habacuc propheta. 2Usquequo, Domine, clamabo, et non exaudies? vociferabor ad te, vim patiens, et non salvabis? 3Quare ostendisti mihi iniquitatem et laborem, videre prædam et injustitiam contra me? Et factum est judicium, et contradictio potentior. 4Propter hoc lacerata est lex, et non pervenit usque ad finem judicium; quia impius prævalet adversus justum, propterea egreditur judicium perversum. 5Aspicite in gentibus, et videte; admiramini, et obstupescite: quia opus factum est in diebus vestris, quod nemo credet cum narrabitur. 6Quia ecce ego suscitabo Chaldæos, gentem amaram et velocem, ambulantem super latitudinem terræ, ut possideat tabernacula non sua. 7Horribilis et terribilis est: ex semetipsa judicium et onus ejus egredietur. 8Leviores pardis equi ejus, et velociores lupis vespertinis: et diffundentur equites ejus: equites namque ejus de longe venient; volabunt quasi aquila festinans ad comedendum. 9Omnes ad prædam venient, facies eorum ventus urens; et congregabit quasi arenam captivitatem. 10Et ipse de regibus triumphabit, et tyranni ridiculi ejus erunt; ipse super omnem munitionem ridebit, et comportabit aggerem, et capiet eam. 11Tunc mutabitur spiritus, et pertransibit, et corruet: hæc est fortitudo ejus dei sui. 12Numquid non tu a principio, Domine, Deus meus, sancte meus, et non moriemur? Domine, in judicium posuisti eum, et fortem, ut corriperes, fundasti eum. 13Mundi sunt oculi tui, ne videas malum, et respicere ad iniquitatem non poteris. Quare respicis super iniqua agentes, et taces devorante impio justiorem se? 14Et facies homines quasi pisces maris, et quasi reptile non habens principem. 15Totum in hamo sublevavit, traxit illud in sagena sua, et congregavit in rete suum. Super hoc lætabitur, et exsultabit. 16Propterea immolabit sagenæ suæ, et sacrificabit reti suo, quia in ipsis incrassata est pars ejus, et cibus ejus electus. 17Propter hoc ergo expandit sagenam suam, et semper interficere gentes non parcet.