John · Clementine Vulgate

John 20: The Resurrection

Mary Magdalene finds the tomb empty and meets the risen Jesus, who appears to the disciples and Thomas.

1Una autem sabbati, Maria Magdalene venit mane, cum adhuc tenebræ essent, ad monumentum: et vidit lapidem sublatum a monumento.

The Resurrection, El Greco, 1597-1600
The Resurrection, El Greco, 1597-1600

2Cucurrit ergo, et venit ad Simonem Petrum, et ad alium discipulum, quem amabat Jesus, et dicit illis: Tulerunt Dominum de monumento, et nescimus ubi posuerunt eum.

The Magdalene Runs to the Cenacle to Tell the Apostles that the Body of Jesus is No Longer in the Tomb, James Tissot, 1886–1894
The Magdalene Runs to the Cenacle to Tell the Apostles that the Body of Jesus is No Longer in the Tomb, James Tissot, 1886–1894

3Exiit ergo Petrus, et ille alius discipulus, et venerunt ad monumentum.

Peter and John Running to the Tomb, Eugène Burnand, 1898
Peter and John Running to the Tomb, Eugène Burnand, 1898

4Currebant autem duo simul, et ille alius discipulus præcucurrit citius Petro, et venit primus ad monumentum.

Saint Peter and Saint John Run to the Sepulchre, James Tissot, 1886–1894
Saint Peter and Saint John Run to the Sepulchre, James Tissot, 1886–1894

5Et cum se inclinasset, vidit posita linteamina: non tamen introivit. 6Venit ergo Simon Petrus sequens eum, et introivit in monumentum, et vidit linteamina posita, 7et sudarium, quod fuerat super caput ejus, non cum linteaminibus positum, sed separatim involutum in unum locum. 8Tunc ergo introivit et ille discipulus qui venerat primus ad monumentum: et vidit, et credidit:

Two Disciples at the Tomb, Henry Ossawa Tanner, 1900s
Two Disciples at the Tomb, Henry Ossawa Tanner, 1900s

9nondum enim sciebant Scripturam, quia oportebat eum a mortuis resurgere. 10Abierunt ergo iterum discipuli ad semetipsos.

Anonymous, 18th century
, Anonymous, 18th century

11Maria autem stabat ad monumentum foris, plorans. Dum ergo fleret, inclinavit se, et prospexit in monumentum: 12et vidit duos angelos in albis sedentes, unum ad caput, et unum ad pedes, ubi positum fuerat corpus Jesu. 13Dicunt ei illi: Mulier, quid ploras? Dicit eis: Quia tulerunt Dominum meum: et nescio ubi posuerunt eum.

Mary Magdalene questions the Angels in the Tomb, James Tissot, 1886–1894
Mary Magdalene questions the Angels in the Tomb, James Tissot, 1886–1894

14Hæc cum dixisset, conversa est retrorsum, et vidit Jesum stantem: et non sciebat quia Jesus est.

The Risen Christ Appearing to Mary Magdalen, Rembrandt Harmensz. van Rijn, 1638
The Risen Christ Appearing to Mary Magdalen, Rembrandt Harmensz. van Rijn, 1638

15Dicit ei Jesus: Mulier, quid ploras? quem quæris? Illa existimans quia hortulanus esset, dicit ei: Domine, si tu sustulisti eum, dicito mihi ubi posuisti eum, et ego eum tollam. 16Dicit ei Jesus: Maria. Conversa illa, dicit ei: Rabboni (quod dicitur Magister).

Jesus Appears to Mary Magdalene, James Tissot, 1886–1894
Jesus Appears to Mary Magdalene, James Tissot, 1886–1894

17Dicit ei Jesus: Noli me tangere, nondum enim ascendi ad Patrem meum: vade autem ad fratres meos, et dic eis: Ascendo ad Patrem meum, et Patrem vestrum, Deum meum, et Deum vestrum.

Noli me tangere, Titian, 1511-12
Noli me tangere, Titian, 1511-12

18Venit Maria Magdalene annuntians discipulis: Quia vidi Dominum, et hæc dixit mihi.

Anonymous, 17th century
, Anonymous, 17th century

19Cum ergo sero esset die illo, una sabbatorum, et fores essent clausæ, ubi erant discipuli congregati propter metum Judæorum: venit Jesus, et stetit in medio, et dixit eis: Pax vobis. 20Et cum hoc dixisset, ostendit eis manus et latus. Gavisi sunt ergo discipuli, viso Domino.

The Appearance of Christ at the Cenacle, James Tissot, 1886–1894
The Appearance of Christ at the Cenacle, James Tissot, 1886–1894

21Dixit ergo eis iterum: Pax vobis. Sicut misit me Pater, et ego mitto vos. 22Hæc cum dixisset, insufflavit, et dixit eis: Accipite Spiritum Sanctum:

Christ appears to the Apostles, Master of the Legend of Ulrich, c. 1470
Christ appears to the Apostles, Master of the Legend of Ulrich, c. 1470

23quorum remiseritis peccata, remittuntur eis: et quorum retinueritis, retenta sunt. 24Thomas autem unus ex duodecim, qui dicitur Didymus, non erat cum eis quando venit Jesus. 25Dixerunt ergo ei alii discipuli: Vidimus Dominum. Ille autem dixit eis: Nisi videro in manibus ejus fixuram clavorum, et mittam digitum meum in locum clavorum, et mittam manum meam in latus ejus, non credam. 26Et post dies octo, iterum erant discipuli ejus intus, et Thomas cum eis. Venit Jesus januis clausis, et stetit in medio, et dixit: Pax vobis. 27Deinde dicit Thomæ: Infer digitum tuum huc, et vide manus meas, et affer manum tuam, et mitte in latus meum: et noli esse incredulus, sed fidelis.

Doubting Thomas, Caravaggio, 1602-1603
Doubting Thomas, Caravaggio, 1602-1603

28Respondit Thomas, et dixit ei: Dominus meus et Deus meus. 29Dixit ei Jesus: Quia vidisti me, Thoma, credidisti: beati qui non viderunt, et crediderunt.

The Incredulity of Saint Thomas, Matthias Stom, c. 1641–1649
The Incredulity of Saint Thomas, Matthias Stom, c. 1641–1649

30Multa quidem et alia signa fecit Jesus in conspectu discipulorum suorum, quæ non sunt scripta in libro hoc. 31Hæc autem scripta sunt ut credatis, quia Jesus est Christus Filius Dei: et ut credentes, vitam habeatis in nomine ejus.