Mark · Clementine Vulgate

Mark 14: The Last Supper

Jesus is anointed at Bethany, shares the Last Supper, prays in Gethsemane, is arrested, and Peter denies him.

1Erat autem Pascha et azyma post biduum: et quærebant summi sacerdotes et scribæ quomodo eum dolo tenerent, et occiderent.

Scenes from the Passion of Christ, Hans Memling, 1470-71
Scenes from the Passion of Christ, Hans Memling, 1470-71

2Dicebant autem: Non in die festo, ne forte tumultus fieret in populo. 3Et cum esset Bethaniæ in domo Simonis leprosi, et recumberet, venit mulier habens alabastrum unguenti nardi spicati pretiosi: et fracto alabastro, effudit super caput ejus.

Christ and disciples at table in the house of Symeon the leper, with Mary Magdalen and Martha serving, Anonymous, 1503
Christ and disciples at table in the house of Symeon the leper, with Mary Magdalen and Martha serving, Anonymous, 1503

4Erant autem quidam indigne ferentes intra semetipsos, et dicentes: Ut quid perditio ista unguenti facta est? 5poterat enim unguentum istud venundari plus quam trecentis denariis, et dari pauperibus. Et fremebant in eam.

The Feast in the House of Simon the Pharisee, Philippe de Champaigne, 1656
The Feast in the House of Simon the Pharisee, Philippe de Champaigne, 1656

6Jesus autem dixit: Sinite eam, quid illi molesti estis? Bonum opus operata est in me: 7semper enim pauperes habetis vobiscum: et cum volueritis, potestis illis benefacere: me autem non semper habetis. 8Quod habuit hæc, fecit: prævenit ungere corpus meum in sepulturam. 9Amen dico vobis: Ubicumque prædicatum fuerit Evangelium istud in universo mundo, et quod fecit hæc, narrabitur in memoriam ejus. 10Et Judas Iscariotes, unus de duodecim, abiit ad summos sacerdotes, ut proderet eum illis. 11Qui audientes gavisi sunt: et promiserunt ei pecuniam se daturos. Et quærebat quomodo illum opportune traderet.

Judas' Betrayal, Giotto, 1306
Judas' Betrayal, Giotto, 1306

12Et primo die azymorum quando Pascha immolabant, dicunt ei discipuli: Quo vis eamus, et paremus tibi ut manduces Pascha? 13Et mittit duos ex discipulis suis, et dicit eis: Ite in civitatem, et occurret vobis homo lagenam aquæ bajulans: sequimini eum,

The Man Bearing a Pitcher, James Tissot, 1886–1894
The Man Bearing a Pitcher, James Tissot, 1886–1894

14et quocumque introierit, dicite domino domus, quia magister dicit: Ubi est refectio mea, ubi Pascha cum discipulis meis manducem? 15Et ipse vobis demonstrabit cœnaculum grande, stratum: et illic parate nobis.

Christ Instructing Peter and John to Prepare for the Passover, Vincenzo Civerchio, 1504
Christ Instructing Peter and John to Prepare for the Passover, Vincenzo Civerchio, 1504

16Et abierunt discipuli ejus, et venerunt in civitatem: et invenerunt sicut dixerat illis, et paraverunt Pascha. 17Vespere autem facto, venit cum duodecim. 18Et discumbentibus eis, et manducantibus, ait Jesus: Amen dico vobis, quia unus ex vobis tradet me, qui manducat mecum.

The Last Supper, Hans Holbein the Younger, c. 1527
The Last Supper, Hans Holbein the Younger, c. 1527

19At illi cœperunt contristari, et dicere ei singulatim: Numquid ego? 20Qui ait illis: Unus ex duodecim, qui intingit mecum manum in catino. 21Et Filius quidem hominis vadit sicut scriptum est de eo: væ autem homini illi per quem Filius hominis tradetur! bonum erat ei, si non esset natus homo ille. 22Et manducantibus illis, accepit Jesus panem: et benedicens fregit, et dedit eis, et ait: Sumite, hoc est corpus meum. 23Et accepto calice, gratias agens dedit eis: et biberunt ex illo omnes.

Triptych: The Last Supper, Dieric Bouts, 1464–1468
Triptych: The Last Supper, Dieric Bouts, 1464–1468

24Et ait illis: Hic est sanguis meus novi testamenti, qui pro multis effundetur.

The Last Supper (1), Leonardo da Vinci, ca. 1495/98
The Last Supper (1), Leonardo da Vinci, ca. 1495/98

25Amen dico vobis, quia jam non bibam de hoc genimine vitis usque in diem illum, cum illud bibam novum in regno Dei.

The Last Supper, El Greco, 1568
The Last Supper, El Greco, 1568

26Et hymno dicto exierunt in montem Olivarum. 27Et ait eis Jesus: Omnes scandalizabimini in me in nocte ista: quia scriptum est: Percutiam pastorem, et dispergentur oves. 28Sed postquam resurrexero, præcedam vos in Galilæam. 29Petrus autem ait illi: Et si omnes scandalizati fuerint in te, sed non ego. 30Et ait illi Jesus: Amen dico tibi, quia tu hodie in nocte hac, priusquam gallus vocem bis dederit, ter me es negaturus. 31At ille amplius loquebatur: Et si oportuerit me simul commori tibi, non te negabo. Similiter autem et omnes dicebant. 32Et veniunt in prædium, cui nomen Gethsemani. Et ait discipulis suis: Sedete hic donec orem. 33Et assumit Petrum, et Jacobum, et Joannem secum: et cœpit pavere et tædere. 34Et ait illis: Tristis est anima mea usque ad mortem: sustinete hic, et vigilate. 35Et cum processisset paululum, procidit super terram, et orabat ut, si fieri posset, transiret ab eo hora. 36Et dixit: Abba pater, omnia tibi possibilia sunt: transfer calicem hunc a me: sed non quod ego volo, sed quod tu. 37Et venit, et invenit eos dormientes. Et ait Petro: Simon, dormis? non potuisti una hora vigilare? 38vigilate et orate, ut non intretis in tentationem. Spiritus quidem promptus est, caro vero infirma.

Christ on the Mount of Olives, Caravaggio, 1605
Christ on the Mount of Olives, Caravaggio, 1605

39Et iterum abiens oravit, eumdem sermonem dicens. 40Et reversus, denuo invenit eos dormientes (erant enim oculi eorum gravati), et ignorabant quid responderent ei. 41Et venit tertio, et ait illis: Dormite jam, et requiescite. Sufficit: venit hora: ecce Filius hominis tradetur in manus peccatorum. 42Surgite, eamus: ecce qui me tradet, prope est.

Christus am Ölberg und die Gefangennahme Christi, Master of Messkirch, c. 1525
Christus am Ölberg und die Gefangennahme Christi, Master of Messkirch, c. 1525

43Et, adhuc eo loquente, venit Judas Iscariotes unus de duodecim, et cum eo turba multa cum gladiis et lignis, a summis sacerdotibus, et scribis, et senioribus.

Christ and his Disciples in Gethsemane, Rembrandt, 1634
Christ and his Disciples in Gethsemane, Rembrandt, 1634

44Dederat autem traditor ejus signum eis, dicens: Quemcumque osculatus fuero, ipse est, tenete eum, et ducite caute.

Judas' Kiss, Giotto, 1304-06
Judas' Kiss, Giotto, 1304-06

45Et cum venisset, statim accedens ad eum, ait: Ave Rabbi: et osculatus est eum.

The Kiss of Judas, Hans Rottenhammer, 1601–1650
The Kiss of Judas, Hans Rottenhammer, 1601–1650

46At illi manus injecerunt in eum, et tenuerunt eum.

The Betrayal of Christ, Caravaggio, c. 1603
The Betrayal of Christ, Caravaggio, c. 1603

47Unus autem quidam de circumstantibus educens gladium, percussit servum summi sacerdotis, et amputavit illi auriculam.

The Betrayal of Christ (van Dyck, Madrid), Anthony van Dyck, 1618–1620
The Betrayal of Christ (van Dyck, Madrid), Anthony van Dyck, 1618–1620

48Et respondens Jesus, ait illis: Tamquam ad latronem existis cum gladiis et lignis comprehendere me? 49quotidie eram apud vos in templo docens, et non me tenuistis. Sed ut impleantur Scripturæ. 50Tunc discipuli ejus relinquentes eum, omnes fugerunt.

The Flight of the Apostles, James Tissot, 1886–1894
The Flight of the Apostles, James Tissot, 1886–1894

51Adolescens autem quidam sequebatur eum amictus sindone super nudo: et tenuerunt eum. 52At ille rejecta sindone, nudus profugit ab eis. 53Et adduxerunt Jesum ad summum sacerdotem: et convenerunt omnes sacerdotes, et scribæ, et seniores.

Christ before the High Priest, Gerard van Honthorst, c. 1617
Christ before the High Priest, Gerard van Honthorst, c. 1617

54Petrus autem a longe secutus est eum usque intro in atrium summi sacerdotis: et sedebat cum ministris ad ignem, et calefaciebat se. 55Summi vero sacerdotes et omne concilium quærebant adversus Jesum testimonium ut eum morti traderent: nec inveniebant. 56Multi enim testimonium falsum dicebant adversus eum: et convenientia testimonia non erant. 57Et quidam surgentes, falsum testimonium ferebant adversus eum, dicentes: 58Quoniam nos audivimus eum dicentem: Ego dissolvam templum hoc manu factum, et per triduum aliud non manu factum ædificabo. 59Et non erat conveniens testimonium illorum. 60Et exsurgens summus sacerdos in medium, interrogavit Jesum, dicens: Non respondes quidquam ad ea quæ tibi objiciuntur ab his? 61Ille autem tacebat, et nihil respondit. Rursum summus sacerdos interrogabat eum, et dixit ei: Tu es Christus Filius Dei benedicti? 62Jesus autem dixit illi: Ego sum: et videbitis Filium hominis sedentem a dextris virtutis Dei, et venientem cum nubibus cæli. 63Summus autem sacerdos scindens vestimenta sua, ait: Quid adhuc desideramus testes? 64Audistis blasphemiam: quid vobis videtur? Qui omnes condemnaverunt eum esse reum mortis.

Christ before Caiphas, Arent de Gelder, 1700–1727
Christ before Caiphas, Arent de Gelder, 1700–1727

65Et cœperunt quidam conspuere eum, et velare faciem ejus, et colaphis eum cædere, et dicere ei: Prophetiza: et ministri alapis eum cædebant.

Christ Crowned with Thorns, Hieronymus Bosch, 1495
Christ Crowned with Thorns, Hieronymus Bosch, 1495

66Et cum esset Petrus in atrio deorsum, venit una ex ancillis summi sacerdotis:

The Denial of Peter, Rembrandt Harmensz. van Rijn, 1660
The Denial of Peter, Rembrandt Harmensz. van Rijn, 1660

67et cum vidisset Petrum calefacientem se, aspiciens illum, ait: Et tu cum Jesu Nazareno eras. 68At ille negavit, dicens: Neque scio, neque novi quid dicas. Et exiit foras ante atrium, et gallus cantavit. 69Rursus autem cum vidisset illum ancilla, cœpit dicere circumstantibus: Quia hic ex illis est. 70At ille iterum negavit. Et post pusillum rursus qui astabant, dicebant Petro: Vere ex illis es: nam et Galilæus es. 71Ille autem cœpit anathematizare et jurare: Quia nescio hominem istum, quem dicitis. 72Et statim gallus iterum cantavit. Et recordatus est Petrus verbi quod dixerat ei Jesus: Priusquam gallus cantet bis, ter me negabis. Et cœpit flere.

The Repentant St. Peter, El Greco, c. 1604
The Repentant St. Peter, El Greco, c. 1604