Psalms · Clementine Vulgate

Psalms 22: The Lord Is My Shepherd

David’s song of trust in God as a shepherd who guides, protects and provides.

1Psalmus David. Dominus regit me, et nihil mihi deerit:

The Lord Is My Shepherd, Eastman Johnson, c. 1863
The Lord Is My Shepherd, Eastman Johnson, c. 1863

2in loco pascuæ, ibi me collocavit. Super aquam refectionis educavit me; 3animam meam convertit. Deduxit me super semitas justitiæ propter nomen suum. 4Nam etsi ambulavero in medio umbræ mortis, non timebo mala, quoniam tu mecum es. Virga tua, et baculus tuus, ipsa me consolata sunt. 5Parasti in conspectu meo mensam adversus eos qui tribulant me; impinguasti in oleo caput meum: et calix meus inebrians, quam præclarus est! 6Et misericordia tua subsequetur me omnibus diebus vitæ meæ; et ut inhabitem in domo Domini in longitudinem dierum.