Psalms · Clementine Vulgate

Psalms 69: Hurry to Help Me

A brief, urgent plea for God to hurry to help and turn back those seeking the psalmist’s life.

1In finem. Psalmus David in rememorationem, quod salvum fecerit eum Dominus. 2Deus, in adjutorium meum intende; Domine, ad adjuvandum me festina. 3Confundantur, et revereantur, qui quærunt animam meam. 4Avertantur retrorsum, et erubescant, qui volunt mihi mala; avertantur statim erubescentes qui dicunt mihi: Euge, euge! 5Exsultent et lætentur in te omnes qui quærunt te; et dicant semper: Magnificetur Dominus, qui diligunt salutare tuum. 6Ego vero egenus et pauper sum; Deus, adjuva me. Adjutor meus et liberator meus es tu; Domine, ne moreris.