Psalms · Clementine Vulgate

Psalms 97: Let the Rivers Clap Their Hands

Praise for God’s victory, with harps, trumpets, roaring seas and clapping rivers, for he comes to judge.

1Psalmus ipsi David. Cantate Domino canticum novum, quia mirabilia fecit. Salvavit sibi dextera ejus, et brachium sanctum ejus. 2Notum fecit Dominus salutare suum; in conspectu gentium revelavit justitiam suam. 3Recordatus est misericordiæ suæ, et veritatis suæ domui Israël. Viderunt omnes termini terræ salutare Dei nostri. 4Jubilate Deo, omnis terra; cantate, et exsultate, et psallite. 5Psallite Domino in cithara; in cithara et voce psalmi; 6in tubis ductilibus, et voce tubæ corneæ. Jubilate in conspectu regis Domini:

David at the Organ, Rutland Psalter, c. 1260
David at the Organ, Rutland Psalter, c. 1260

7moveatur mare, et plenitudo ejus; orbis terrarum, et qui habitant in eo. 8Flumina plaudent manu; simul montes exsultabunt 9a conspectu Domini: quoniam venit judicare terram. Judicabit orbem terrarum in justitia, et populos in æquitate.