Genesis · Clementine Vulgate

Genesis 1: The Creation

God creates the heavens, the earth and all life in six days, ending with humankind in his image.

Genesis

Genesis begins at the very beginning: God creating the world in six days and resting on the seventh. Then come Adam and Eve in the garden of Eden, Cain and Abel, Noah's flood and the tower of Babel. From chapter 12 the story narrows to one family: Abraham, called to leave his homeland for Canaan, his son Isaac, his grandson Jacob (renamed Israel), and Jacob's son Joseph, sold into slavery by his brothers, who rises to rule Egypt. It ends with Jacob's family settled in Egypt, which sets up Exodus. It is the first of the five books of Moses, the Pentateuch. Few books have given painters more to work with.

Listen: The Creation, Joseph Haydn

1In principio creavit Deus cælum et terram. 2Terra autem erat inanis et vacua, et tenebræ erant super faciem abyssi: et spiritus Dei ferebatur super aquas.

Creation of the Universe, Coppo di Marcovaldo, 1275–1310
Creation of the Universe, Coppo di Marcovaldo, 1275–1310

3Dixitque Deus: Fiat lux. Et facta est lux. 4Et vidit Deus lucem quod esset bona: et divisit lucem a tenebris.

The Separation of Light from Darkness, Michelangelo Buonarroti, 1508-1512
The Separation of Light from Darkness, Michelangelo Buonarroti, 1508-1512

5Appellavitque lucem Diem, et tenebras Noctem: factumque est vespere et mane, dies unus. 6Dixit quoque Deus: Fiat firmamentum in medio aquarum: et dividat aquas ab aquis. 7Et fecit Deus firmamentum, divisitque aquas, quæ erant sub firmamento, ab his, quæ erant super firmamentum. Et factum est ita. 8Vocavitque Deus firmamentum, Cælum: et factum est vespere et mane, dies secundus. 9Dixit vero Deus: Congregentur aquæ, quæ sub cælo sunt, in locum unum: et appareat arida. Et factum est ita. 10Et vocavit Deus aridam Terram, congregationesque aquarum appellavit Maria. Et vidit Deus quod esset bonum.

The Separation of Land and Water, Michelangelo Buonarroti, 1508-1512
The Separation of Land and Water, Michelangelo Buonarroti, 1508-1512

11Et ait: Germinet terra herbam virentem, et facientem semen, et lignum pomiferum faciens fructum juxta genus suum, cujus semen in semetipso sit super terram. Et factum est ita. 12Et protulit terra herbam virentem, et facientem semen juxta genus suum, lignumque faciens fructum, et habens unumquodque sementem secundum speciem suam. Et vidit Deus quod esset bonum. 13Et factum est vespere et mane, dies tertius. 14Dixit autem Deus: Fiant luminaria in firmamento cæli, et dividant diem ac noctem, et sint in signa et tempora, et dies et annos:

The Creation of the Sun, the Moon and the Plants, Michelangelo Buonarroti, 1508-1512
The Creation of the Sun, the Moon and the Plants, Michelangelo Buonarroti, 1508-1512

15ut luceant in firmamento cæli, et illuminent terram. Et factum est ita. 16Fecitque Deus duo luminaria magna: luminare majus, ut præesset diei: et luminare minus, ut præesset nocti: et stellas. 17Et posuit eas in firmamento cæli, ut lucerent super terram, 18et præessent diei ac nocti, et dividerent lucem ac tenebras. Et vidit Deus quod esset bonum. 19Et factum est vespere et mane, dies quartus. 20Dixit etiam Deus: Producant aquæ reptile animæ viventis, et volatile super terram sub firmamento cæli.

The Creation of the Animals, Il Tintoretto, ca. 1550
The Creation of the Animals, Il Tintoretto, ca. 1550

21Creavitque Deus cete grandia, et omnem animam viventem atque motabilem, quam produxerant aquæ in species suas, et omne volatile secundum genus suum. Et vidit Deus quod esset bonum. 22Benedixitque eis, dicens: Crescite, et multiplicamini, et replete aquas maris: avesque multiplicentur super terram. 23Et factum est vespere et mane, dies quintus. 24Dixit quoque Deus: Producat terra animam viventem in genere suo, jumenta, et reptilia, et bestias terræ secundum species suas. Factumque est ita. 25Et fecit Deus bestias terræ juxta species suas, et jumenta, et omne reptile terræ in genere suo. Et vidit Deus quod esset bonum,

The Creation of the World and the Expulsion from Paradise, Giovanni di Paolo, 1445
The Creation of the World and the Expulsion from Paradise, Giovanni di Paolo, 1445

26et ait: Faciamus hominem ad imaginem et similitudinem nostram: et præsit piscibus maris, et volatilibus cæli, et bestiis, universæque terræ, omnique reptili, quod movetur in terra. 27Et creavit Deus hominem ad imaginem suam: ad imaginem Dei creavit illum, masculum et feminam creavit eos.

The Creation of Adam, Michelangelo Buonarroti, 1508-1512
The Creation of Adam, Michelangelo Buonarroti, 1508-1512

28Benedixitque illis Deus, et ait: Crescite et multiplicamini, et replete terram, et subjicite eam, et dominamini piscibus maris, et volatilibus cæli, et universis animantibus, quæ moventur super terram. 29Dixitque Deus: Ecce dedi vobis omnem herbam afferentem semen super terram, et universa ligna quæ habent in semetipsis sementem generis sui, ut sint vobis in escam: 30et cunctis animantibus terræ, omnique volucri cæli, et universis quæ moventur in terra, et in quibus est anima vivens, ut habeant ad vescendum. Et factum est ita. 31Viditque Deus cuncta quæ fecerat, et erant valde bona. Et factum est vespere et mane, dies sextus.