Genesis · Clementine Vulgate

Genesis 22: The Binding of Isaac

God tests Abraham by asking him to sacrifice Isaac, then stops him and provides a ram instead.

1Quæ postquam gesta sunt, tentavit Deus Abraham, et dixit ad eum: Abraham, Abraham. At ille respondit: Adsum. 2Ait illi: Tolle filium tuum unigenitum, quem diligis, Isaac, et vade in terram visionis, atque ibi offeres eum in holocaustum super unum montium quem monstravero tibi. 3Igitur Abraham de nocte consurgens, stravit asinum suum, ducens secum duos juvenes, et Isaac filium suum: cumque concidisset ligna in holocaustum, abiit ad locum quem præceperat ei Deus. 4Die autem tertio, elevatis oculis, vidit locum procul: 5dixitque ad pueros suos: Expectate hic cum asino: ego et puer illuc usque properantes, postquam adoraverimus, revertemur ad vos. 6Tulit quoque ligna holocausti, et imposuit super Isaac filium suum: ipse vero portabat in manibus ignem et gladium. Cumque duo pergerent simul,

Isaac Bears the Wood for His Sacrifice, James Tissot, c. 1896–1902
Isaac Bears the Wood for His Sacrifice, James Tissot, c. 1896–1902

7dixit Isaac patri suo: Pater mi. At ille respondit: Quid vis, fili? Ecce, inquit, ignis et ligna: ubi est victima holocausti?

Abraham and Isaac, Rembrandt Harmensz. van Rijn, 1645
Abraham and Isaac, Rembrandt Harmensz. van Rijn, 1645

8Dixit autem Abraham: Deus providebit sibi victimam holocausti, fili mi. Pergebant ergo pariter.

Abraham and Isaac before the Sacrifice, Jan Victors, 1644
Abraham and Isaac before the Sacrifice, Jan Victors, 1644

9Et venerunt ad locum quem ostenderat ei Deus, in quo ædificavit altare, et desuper ligna composuit; cumque alligasset Isaac filium suum, posuit eum in altare super struem lignorum. 10Extenditque manum, et arripuit gladium, ut immolaret filium suum.

The Sacrifice of Isaac (1603), Caravaggio, ca. 1603
The Sacrifice of Isaac (1603), Caravaggio, ca. 1603

11Et ecce angelus Domini de cælo clamavit, dicens: Abraham, Abraham. Qui respondit: Adsum. 12Dixitque ei: Non extendas manum tuam super puerum, neque facias illi quidquam: nunc cognovi quod times Deum, et non pepercisti unigenito filio tuo propter me.

Abraham's sacrifice of Isaac, Federiko Benković, 1715
Abraham's sacrifice of Isaac, Federiko Benković, 1715

13Levavit Abraham oculos suos, viditque post tergum arietem inter vepres hærentem cornibus, quem assumens obtulit holocaustum pro filio. 14Appellavitque nomen loci illius, Dominus videt. Unde usque hodie dicitur: In monte Dominus videbit. 15Vocavit autem angelus Domini Abraham secundo de cælo, dicens:

Abraham and Isaac, Jan Lievens, c. 1637
Abraham and Isaac, Jan Lievens, c. 1637

16Per memetipsum juravi, dicit Dominus: quia fecisti hanc rem, et non pepercisti filio tuo unigenito propter me: 17benedicam tibi, et multiplicabo semen tuum sicut stellas cæli, et velut arenam quæ est in littore maris: possidebit semen tuum portas inimicorum suorum, 18et benedicentur in semine tuo omnes gentes terræ, quia obedisti voci meæ.

Abraham sacrifices the ram instead of Isaac, the Lord renews his promise to Abraham (Genesis 22:13-18), Jan Lievens, c. 1638
Abraham sacrifices the ram instead of Isaac, the Lord renews his promise to Abraham (Genesis 22:13-18), Jan Lievens, c. 1638

19Reversus est Abraham ad pueros suos, abieruntque Bersabee simul, et habitavit ibi. 20His ita gestis, nuntiatum est Abrahæ quod Melcha quoque genuisset filios Nachor fratri suo: 21Hus primogenitum, et Buz fratrem ejus, et Camuel patrem Syrorum, 22et Cased, et Azau, Pheldas quoque et Jedlaph, 23ac Bathuel, de quo nata est Rebecca: octo istos genuit Melcha, Nachor fratri Abrahæ. 24Concubina vero illius, nomine Roma, peperit Tabee, et Gaham, et Thahas, et Maacha.